BRODA

I look for man for up
I look for man for down
I look till I tire for waka
From Naija to Bahia.

Dem say when una look una find
Dem say una find when una look
Seek ye shall find, na so Bible talk
So broda, why na you I find?

Una no good for go
Una no good for come
Una no good for anything
Una useless pass stone.

Na broda dem call una,
Abi na aburoda?
Whatever una call yaself
I don pass weak for una

Broda, abi na garawa?
I no wan see una for hia
Pack ya cloth, dey go
No forget ya shoe.

No send me ya papa
I no wan see ya mama
I no wan see di family committee
I no wan see ya shadow.

Broda, broda, comot for hia
Wey una like, make una go
Comot patapata, no return to hia
Mista, I beg una, bo sita.

I look for man for up
I look for man for down
I look till I tire for waka
From Naija to Bahia.

Dem say when una look una find
Dem say una find when una look
Seek ye shall find, na so Bible talk
So broda, why na you I find?

© 2004 Molara Wood